Օլանդը ստում է առավոտյան, ցերեկը և անգամ երեկոյան. Սարկոզի
Le Parisien թերթի փոխանցմամբ՝ Ֆրանսիայի նախկին նախագահ Նիկոլա Սարկոզին Նանսի քաղաքում տեղի ունեցած հանրահավաքի ժամանակ ներկայիս նախագահ Ֆրանսուա Օլանդին մեղադրել է ստելու մեջ:
Ելույթ ունենալով հազարավոր մարդկանց առջև՝ Ֆրանսիայի նախկին ղեկավարը հայտարարել է, որ 2.5 տարվա ընթացքում երկրում ստեղծվել է քաղաքական սկզբունք, որը հանգեցրել է հանրապետության ու ժողովրդավարության թուլացմանը:
Սարկոզին հայտարարել է, որ Ֆրանսուա Օլանդը ստում է առավոտյան, ցերեկը և անգամ երեկոյան: Սարկոզիի կարծիքով՝ Ֆրանսիայի ներկայիս նախագահն այդ պաշտոնը զբաղեցնելուց հետո պարտությունը պարտության հետևից է կրում:
