Աֆղանստանի նախագահը փոխել է անունը
Ամերիկյան Associated Press լրատվական գործակալության փոխանցմամբ՝ Աֆղանստանի նախագահ Աշրաֆ Գանի Ահմադզայը որոշել է հրաժարվել Ահմադզայ իր ցեղանունից ու դառնալ Աշրաֆ Գանի:
Պետության ղեկավարի գրասենյակը համապատասխան ցուցումն ուղարկել է կառավարական հիմնարկներին ու ԶԼՄ-ներին: Այս մասին հայտարարել է Աֆաղանստանի նախագահի մամլո քարտուղար Ֆայեք Վայահիդին: Ուղղումներն արվել են նաև նախագահի վկայականում:
Աշրաֆ Գանի Ահմդազայը հաղթել է Աֆղանստանի նախագահական ընտրությունների երկրորդ փուլում, որը տեղի է ունեցել հունիսի 14-ին: Նրա օգտին քվեարկել է ընտրողների 56.44 տոկոսը:
