Իրանը պատրաստ է վերջնական համաձայնագիր ստորագրել «Վեցյակի» հետ. Զարիֆ
Իրանական IRNA լրատվական գործակալության փոխանցմամբ՝ Իրանը պատրաստ է իր միջուկային ծրագրի վերաբերյալ վերջնական համաձայնագիր ստորագրել «Վեցյակի» հետ: Այս մասին երեկ հայտարարել է Իրանի արտգործնախարար Մոհամմադ Ջավադ Զարիֆը:
Վերջինս Նորվեգիայի արտգործնախարար Բյորգե Բրենդեի հետ հանդիպման ժամանակ հայտարարել է, որ Իրանը պատրաստ է «Վեցյակի» հետ վերջնական համաձայնագրի ստորագրմանը, եթե նրանք պաշտոնապես ճանաչեն ատոմային խաղաղ էներգետիկայից օգտվելու Իրանի իրավունքը:
Նորվեգիայի արտգործնախարարն իր հերթին հայտարարել է, որ Իրանի ու «Վեցյակի» միջև նոր պայմանավորվածությունները հնարավորություններ կստեղծեն ԵՄ-ի ու Թեհրանի միջև կապերի ամրապնդման համար: Իրանի ու «Վեցյակի» միջև բանակցությունների հերթական փուլը տեղի է ունենալու նոյեմբերի 11-ին, Օմանի մայրաքաղաք Մասկաթում:
