Խնայբանկը ռուսաստանցիներին կոչ է արել դոլար չգնել
Խնայբանկի մակրոտնտեսական հետազոտությունների կենտրոնը ռուսաստանցիներին կոչ է արել ամերիկյան արժույթ չգնել եւ նախապատվությունը տալ ռուբլով ավանդներին, հաղորդում է ՏԱՍՍ գործակալությունը: Կենտրոնի ղեկավար Յուլյա Ցեպլյաեւան խորհուրդ է տվել ամերիկյան դոլար գնել միայն ԱՄՆ այցելելու դեպքում:
Նա հատկապես շարքային քաղաքացիներին խորհուրդ է տվել դոլարով ներդրումներ կատարելու ուղղությամբ «ավելորդ շարժումներ չկատարել»:
Ցեպլյաեւան նաեւ նշել է, որ հաջորդ տարի գնաճը, ըստ ամենայնի, «լինելու է բնակչության համար ցավագին բարձր մակարդակի վրա»:
