Կոռուպցիոն բնույթի հանցագործությունների թիվը նվազել է
2014թ. ինն ամսվա ընթացքում հանրապետության տարածքում արձանագրվել է կոռուպցիոն բնույթի 14 հանցագործություն (նախորդ տարվա նույն ժամանակահատվածի 25-ի դիմաց)։
ԼՂՀ գլխավոր դատախազության տվյալներով՝ հանցագործություններից 5-ը կատարվել է Ստեփանակերտում, 4-ը՝ Մարտակերտի, 3-ը՝ Քաշաթաղի, եւ 2-ը՝ Մարտունու շրջաններում։
Կոռուպցիոն բնույթի հանցագործություններից 6-ը տեղական ինքնակառավարման համակարգում էր, 4-ը՝ կրթության ոլորտում, 2-ը՝ ոստիկանության համակարգում, իսկ 1-ական՝ տնտեսական եւ նոտարական գործունեության ոլորտներում։
Ավարտված 4 քրեական գործով եւ ոչ արդարացման հիմքով քրեական գործի հարուցումը մերժված 5 վարույթով որպես հանցագործություն կատարած անձ է ճանաչվել 10 անձ, որից 8-ը պաշտոնատար անձինք են: Նշված հանցագործություններով պետությանը պատճառված 8.635.994 ՀՀ դրամ նյութական վնասը նախաքննության փուլում լրիվությամբ վերականգնվել է։
