Էրդողանը կոչ է արել արմատական բարեփոխումներ իրականացնել ՄԱԿ-ում
Թուրքական Anadolu լրատվական գործակալության փոխանցմամբ՝ Թուրքիայի նախագահ Ռեջեփ Էրդողանը երեկ ՄԱԿ-ի օրվա կապակցությամբ ուղերձ է հղել, որում նաև շնորհավորել է ՄԱԿ-ի հիմնադրման 69-ամյակը:
Էրդողանը հայտարարել է, որ համայն աշխարհում տեղի ունեցող փոփոխություններն անհրաժեշտ են դարձնում ՄԱԿ-ի կառուցվածքում արմատական ու մասշտաբային բարեփոխումներ անելը:
Էրդողանի խոսքերով՝ ՄԱԿ-ը գլոբալ մակարդակով հիմնարար խնդիրները լուծելու համար պետք է իր կառուցվածքը համապատասխանեցնի աշխարհում տիրող իրավիճակին:
Էրդողանը հիշեցրել է, որ Թուրքիան մտնում է այն երկրների թվում, որոնք հիմնել են ՄԱԿ-ը: Ավելի վաղ Էրդողանը կոչ էր արել փոխել ՄԱԿ ԱԽ-ի կառուցվածքը՝ հայտարարելով, որ արդար չէ, որ միայն 5 երկիր է ղեկավարում միջազգային բոլոր հարաբերությունները:
