Թուրքիան դեմ է Սիրիայի տարածքում քրդական անկախ պետություն ստեղծելուն. Քուրթուլմուշ
CNN Türk հեռուստաալիքի փոխանցմամբ՝ Թուրքիան դեմ է Սիրիայի տարածքում քրդական անկախ պետություն ստեղծելուն: Այս մասին այսօր հայտարարել է Թուրքիայի փոխվարչապետ Նուման Քուրթուլմուշը:
Նա ընդգծել է, որ ներկա պայմանները դա դարձնում են անհնար, անկախ Քրդստանի մասին երազանքներին վիճակված չէ իրականանալ: Քուրթուլմուշը հավելել է, որ Թուրքիան ցանկանում է Սիրիայի ու Իրաքի տարածքային ամբողջականության պահպանում և ստեղծված իրավիճակի համապարփակ կարգավորում:
