«Զանգեր» կոչվող հատվածը դժվարանցանելի է
ՀՀ ԱԻ նախարարությունը տեղեկացնում է, որ հոկտեմբերի 20-ի ժամը 09.00-ի դրությամբ ՀՀ տարածքում բոլոր ավտոճանապարհներն անցանելի են:
Մերկասառույցի հետևանքով դժվարանցանելի է Սարավան-Սառնակունք ավտոճանապարհի «Զանգեր» կոչվող հատվածը:
ՀՀ ԱԻ նախարարությունը հորդորում է բոլոր տրանսպորտային միջոցների վարորդներին զերծ մնալ վերը նշված ճանապարհահատվածով երթևեկելուց և երթևեկել ձմեռային անվադողերով:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` ժամը 07.00-ից մինչև 19.00 Ստեփանծմինդա – Լարս ավտոճանապարհը բաց է բոլոր տեսակի ավտոմեքենաների համար:
ՀՀ Արտակարգ իրավիճակների նախարարություն
