Շվեդիայի ԶԼՄ-ները հայտնել են իրենց ջրերում ռուսական վթարային սուզանավի մասին
Շվեդական Svenska Dagbladet թերթի փոխանցմամբ՝ Շվեդիայի ռազմածովային ուժերն իրենց տարածքային ջրերում փնտրում են ենթադրաբար ռուսական սուզանավի, որից ստացվել են վթարային ազդանշաններ: Այս մասին թերթին հայտնել են նրա աղբյուրները:
Ռադիոհաղորդումը գրանցվել է դեռևս հոկտեմբերի 16-ին: Այն գրանցվել է այն հաճախականություններում, որոնց արտակարգ իրավիճակներում օգտագործում են Ռուսաստանի ռազմածովային ուժերը: Զրույցն իր հերթին տեղի է ունեցել ռուսերենով: Ընդգծվում է, որ ռադիոազդանշանի ընդունիչը գտնվում է Կալինինգրադում:
