Վրաստանն ու Ադրբեջանը համաձայնեցրել են 2015 թվականին ռազմական համագործակցության պլանի նախագիծը
Новости-Грузия լրատվական գործակալության փոխանցմամբ՝ Վրաստանի ու Ադրբեջանի պաշտպանության նախարարությունները համաձայնեցրել են 2015 թվականին երկկողմ համագործակցության պլանի նախագիծը: Այս մասին հայտնել է Ադրբեջանի ՊՆ-ի մամլո ծառայությունը.
«Նախագիծը համաձայնեցվել է այսօր Բաքվում տեղի ունեցած երկկողմ ռազմական խորհրդակցությունների շրջանակում: Հանդիպման ժամանակ քննարկվել են ռազմական, ռազմատեխնիկական ու ռազմակրթական համագործակցության ներկայիս իրավիճակն ու հեռանկարները: Կողմերը կարծիքներ են փոխանակել տարածաշրջանային անվտանգության շուրջ»:
