Amnesty İnternational-ն Ադրբեջանի կառավարությանը կոչ է արել անհապաղ դադարեցնել Խադիջա Իսմայլովայի նկատմամբ ճնշումները
Ադրբեջանական Turan լրատվական գործակալության փոխանցմամբ՝ Amnesty İnternational (AI) միջազգային իրավապաշտպան կազմակերպությունը Ադրբեջանի կառավարությանը կոչ է արել անհապաղ դադարեցնել հանրահայտ հետաքննող լրագրող Խադիջա Իսմայլովայի նկատմամբ ճնշումներն ու նրան հետապնդելը:
AI-ի տարածած հայտարարությունում նշված է, որ Ադրբեջանի իշխանությունները պետք է չեղյալ հայատարարեն երկրից դուրս գալու հարցում Իսմայլովայի վրա դրած արգելքը և պայմաններ ստեղծեն մարդու իրավունքների պաշտպանության ոլորտում նրա նորմալ աշխատանքի համար:
AI-ն ընդգծել է, որ ներկայումս գոյություն ունի քաղաքական դրդապատճառներով, անհիմն մեղադրանքներով Խադիջա Իսմայլովային կալանավորելու վտանգ:
