Թուրքիայի ու Գերմանիայի միջև սկսվում է «սուզանավային ճգնաժամ»
Թուրքական Taraf թերթի փոխանցմամբ՝ Գերմանիան չի սկսել Թուրքիայի համար նախատեսված 6 սուզանավի կառուցման գործընթացը, որոնցից առաջինը պլանավորված էր թուրքական կողմին հանձնել 2015 թվականին:
2009 թվականին կողմերի միջև ստորագրված պայմանագիրը գնահատվել է 2.5 միլիարդ դոլար: Դա Թուրքիայի Հանրապետության պատմության ընթացքում ռազմածովային ուժերի արդիականացման ոլորտի խոշորագույն նախագիծն է:
Պայմանագրով նախատեսվում էր 6 սուզանավերից առաջինի կառուցումը սկսել 2011 թվականին և այն Թուրքիային հանձնել 2015 թվականին: Սակայն պարզվել է, որ տեխնիկական խնդիրների պատճառով սուզանավի կառուցումն անգամ չի էլ սկսվել:
Սակայն ամենայն հավանականությամբ դրա իրական պատճառը Գերմանիայի կանցլեր Անգելա Մերկելի դիրքորոշումն է: Վերջերս պարզվեց, որ գերմանական հետախուզությունը տարիներ շարունակ գաղտնալսել է Թուրքիային, ինչը լարվածություն է առաջացրել երկու երկրների փոխհարաբերություններում:
Գերմանիան չի սկսել Թուրքիայի համար նախատեսված 6 սուզանավի կառուցման գործընթացը, որոնցից առաջինը պլանավորված էր թուրքական կողմին հանձնել 2015 թվականին:
