Եգիպտոսի նախագահն Իսրայելին կոչ է արել վերականգնել պաղեստինցիների իրավունքները
France-Presse լրատվական գործակալության փոխանցմամբ՝ Եգիպտոսի նախագահ Աբդել Ֆաթթահ ալ-Սիսին Իսրայելին կոչ է արել դադարեցնել հակամարտությունը և վերականգնել պաղեստինցիների իրավունքները:
Կահիրեում երեկ տեղի ունեցած Գազայի հատվածի դոնոր երկրների կոնֆերանսի ժամանակ Սիսին հայտարարել է, որ պաղեստինա-իսրայելական խնդրի կարգավորման միակ ուղին համապարափակ, արդար կարգավորումն է: Կոնֆերանսը նախաձեռնել է եգիպտական կողմը: Դրան մասնակցում են աշխարհի ավելի քան 50 երկրի ներկայացուցիչներ:
