Թուրքիան ԱՄՆ-ին կթույլատրի «Իսլամական պետության» դեմ պայքարում օգտվել «Ինջիրլիքի» ավիաբազայից
Ամերիկյան Associated Press լրատվական գործակալության փոխանցմամբ՝ Թուրքիան ԱՄՆ-ին ու նրա դաշնակիցներին կթույլատրի օգտվել երկրի հարավում գտնվող «Ինջիրլիքի» ավիաբազայից՝ Իրաքում ու Սիրիայում գործող «Իսլամական պետություն» խմբավորման նկատմամբ ավիահարվածներ իրականացնելու համար:
Այս մասին գործակալությանը հայտնել են նրա անանուն աղբյուրները: ԱՄՆ-ի իշխանությունները նաև հայտնել են, որ Անկարան համաձայնվել է «Իսլամական պետության» դեմ պայքարող սիրիացի չափավոր ընդդիմության զինյալների համար իր տարածքում մարզական ճամբարի ստեղծմանը: Խոսքը գնում է 4000 մարտիկի պատրաստման մասին:
