Ռուսաստանի Հարավային ռազմական օկրուգի զորամասերը սկսել են լքել Ուկրաինայի հետ սահմանային գոտին
Ռուսական РИА Новости լրատվական գործակալության փոխանցմամբ՝ Ռուսաստանի Հարավային ռազմական օկրուգի զորամիավորումներն ու զորամասերը սկսել են լքել Ռոստովի մարզի զորավարժարաններն ու ուսումնական կենտրոններն ու վերադառնալ իրենց մշտական կենտրոնակայաններ:
Այս մասին հայտարարել է ՌԴ ՊՆ-ի մամուլի ու տեղեկատվության ծառայության վարչությունը: Ներկայումս ռուսական զորքերն Ուկրաինայի սահմանի մոտ ընկած տարածքները լքում են երկաթուղային ճանապարհով և այլ մեթոդներով: Ընդգծվում է, որ ամռան ընթացքում նրանք իրականացրել են մարտական զսպման միջոցառումների համալիր:
Ռուսաստանի նախագահ Վլադիմիր Պուտինը երեկ երեկյան հանձնարարել է ռուսական զորքերը հետ քաշել Ուկրաինայի հետ սահմանից: Ընդհանուր առմամբ, խոսքը գնում է 17.600 զինծառայողի մասին, որոնք ամռանը գտնվել են Ուկրաինային սահմանակից Ռոստովի մարզում:
