Խաղաղության Նոբելյան մրցանակը շնորհվել է պակիստանցի ու հնդիկ իրավապաշտպաններին
Ամերիկյան Associated Press լրատվական գործակալության փոխանցմամբ՝ 2014 թվականին Խաղաղության Նոբելյան մրցանակին են արժանացել 17-ամյա պակիստանցի իրավապաշտպան Մալալա Յուսուֆզայն ու 60-ամյա հնդիկ ակտիվիստ Կայլա Սատյարտին, ով հայտնի է երեխաների իրավունքների համար պայքար մղելով:
Նոբելյան կոմիտեն ընդգծել է, որ այդ երկու անձինք պայքարել են երեխաներին ճնշելու դեմ և կրթություն ստանալու նրանց իրավունքի պահպանման համար, ինչի համար էլ նրանց շնորհվել է Նոբելյան մրցանակ:
Կայլաշ Սատյարտին բազմիցս բողոքի ակցիաներ է իրականացրել երեխաների աշխատանքը շահագործելու դեմ: Ներկայումս նա գլխավորում է Կրթության համար համաշխարհային կամպանիան, որում ընդգրկված է ավելի քան 400 ՀԿ:
Մալալա Յուսուֆզայը 11 տարեկանից վարում է BBC-ի կայքի աֆղանական տարբերակի հանրահայտ բլոգը, որում նա կտրուկ քննադատության է ենթարկում «Թալիբան» շարժմանը: Նա մասնավորապես պատմել է շարժման ակտիվիստների իրականացրած մահապատիժների ու սպանություններ մասին:
