ԵԱՀԿ-ը կես տարով երկարաձգել է Ուկրաինայում հատուկ մոնիթորինգային առաքելության մանդատը
ZN.UA-ի փոխանցմամբ՝ ԵԱՀԿ-ի անդամ բոլոր 57 երկրները հավանության են արժանացրել Ուկրաինայում հատուկ մոնիթորինգային առաքելությունը ևս 6 ամսով երկարաձգելը: Այս մասին հայտարարել է այդ առաքելության մամլո քարտուղար Մայքլ Բոցյուրկիվը:
Նա հիշեցրել է, որ սկզբնական շրջանում իրենց մանդատի ժամկետը կազմել է 6 ամիս, ինչը ներկայումս երկարաձգվել է ևս 6 ամսով. «Մեր մանդատում կա երկու հիմնական պահ. մեր դիտարկումների արդյունքների մասին իրազեկել մասնակից երկրներին, ինչպես նաև դյուրացնել երկխոսությունը:
Առաքելության բոլոր անդամները մոնիթորինգի են ենթարկում նաև Դոնբասի վերաբնակների շուրջ տիրող իրավիճակը, ինչպես նաև մարդու իրավունքների ու անվտանգության հետ կապված բոլոր հարցերը: Պլանավորված է դիտորդների թիվը հասցնել մինչև 300 մարդու»:
