Իրանն ու «Վեցյակը» համաձայնեցրել են իրանական միջուկային ծրագրի առանցքային հարցերը. Ռոուհանի
Իրանական Press TV հեռուստաալիքի փոխանցմամբ՝ Իրանն ու «Վեցյակը» համաձայնության են եկել իրանական միջուկային ծրագրի վերաբերյալ բանակցությունների առանցքային հարցերի շուրջ:
Այս մասին Իրանի խորհրդարանի ու կառավարության համատեղ նիստում հայտարարել է Իրանի նախագահ Հասան Ռոուհանին: Նրա խոսքերով՝ բանակցությունների ժամանակ կողմերի դիրքորոշումները տարբերվում են միայն դետալների հարցում:
Նա ընդգծել է, որ Իրանի ու «Վեցյակի» միջև որևէ տարաձայնություն չկա Արակում ատոմակայան կառուցելու, ուրան հարստացնելու տեխնոլոգիայից օգտվելու, Ֆորդոուում միջուկային կենտրոնի աշխատանքները շարունակելու հարցերում: Ռոուհանին հավելել է, որ «Վեցյակի» երկրները կարծում են, որ Իրանը պետք է իր դերակատարումն ունենա տարածաշրջանում ահաբեկչության դեմ պայքարում:
