Ուկրաինայի արտգործնախարարը չի մասնակցի ԱՊՀ երկրների արտգործնախարարների խորհրդի նիստին
Ռուսական РИА Новости լրատվական գործակալության փոխանցմամբ՝ Ուկրաինայի արտգործնախարար Պավել Կլիմկինը չի մասնակցի ԱՊՀ երկրների արտգործնախարարների խորհրդի նիստին, որը հինգշաբթի անցկացվելու է Մինսկում:
Այս մասին հայտարարել է Բելառուսի ԱԳՆ-ի պաշտոնական ներկայացուցիչ Դմիտրի Միրոնչիկը. «Բելառուսում Ուկրաինայի դեսպանատունը նոտայով պաշտոնապես իրազեկել է մեզ, որ Ուկրաինայի արտգործնախարարը չի մասնակցելու նիստին: Տվյալ միջոցառման ժամանակ Ուկրաինան կներկայացնի Բելառուսում այդ երկրի դեսպան Միխայիլ Եժելը»:
