Ուկրաինան գազի գրեթե կեսը ներկրում է Նորվեգիայից
ZN.UA-ի փոխանցմամբ՝ Ուկրաինայի համար Եվրոպայից գազի ռևերսային մատակարարումների գրեթե կեսը բաժին է ընկնում Նորվեգիայից: Այս մասին լրատվամիջոցին հայտնել է Ուկրաինայի էներգետիկայի նախարարությունում նրա աղբյուրը:
Հոկտեմբերի 1-ից Նորվեգիան Ուկրաինային մատակարարում է օրական մոտ 11 միլիոն խորանարդ մետր գազ՝ համաձայն կողմերի միջև ստորագրված պայմանագրի: Սլովակիայից ու Լեհաստանից իրականացվող մատակարարումների հետ միասին Ուկրաինային գազի ռևերսային մատակարարումները կազմում են օրական 24.8 միլիոն խորանարդ մետր:
Ուկրաինան 1000 խորանարդ մետր գազի համար Նորվեգիային վճարում է մոտ 340 դոլար:
