Վրաստանն ակնկալում է, որ ԵՄ-ի հետ ոչ վիզային ռեժիմի մասին որոշում կընդունվի Ռիգայի գագաթաժողովում
Новости-Грузия լրատվական գործակալության փոխանցմամբ՝ Վրաստանի եվրոպական ու եվրաատլանտյան կառույցներին ինտեգրման հարցերով պետնախարար Ալեքսի Պետրիաշվիլին ակնկալում է, որ Ռիգայում կայանալիք «Արևելյան գործընկերության» գագաթաժողովում կընդունվի ԵՄ-ի հետ ոչ վիզային ռեժիմի մասին որոշում:
Լատվիայի մայրաքաղաքում «Արևելյան գործընկերության» գագաթաժողովն անցկացվելու է 2015 թվականի մայիսին: Պետրիաշվիլին ներկայումս աշխատանքային այցով գտնվում է Բրյուսելում, ուր երեկվանից հանդիպումներ է անցկացնում:
