«Իսլամական պետության» զինյալներն Իրաքի արևմուտքում մահապատժի են ենթարկել 6 զինծառայողի
Ամերիկյան Associated Press լրատվական գործակալության փոխանցմամբ՝ «Իսլամական պետություն» ծայրահեղական խմբավորման զինյալները հրապարակավ սպանել են իրաքցի 6 զինվորի: Այս մասին հայտնել է գործակալության անանուն աղբյուրը:
Մահապատիժն իրականացվել է Բաղդադից 140 կիլոմետր դեպի արևմուտք գտնվող Խիտ քաղաքում: Աղբյուրի խոսքերով՝ իրաքցի զինվորներին կանգնեցրել են պատի տակ, ապա՝ գնդակահարել: Բացի այդ, զինյալները ռմբային հարված են հասցրել քաղաքի ոստիկանատանը:
