Մեծ Բրիտանիան չեղյալ է հայտարարել Իրանի 1 քաղաքացու ու 5 կազմակերպության դեմ պատժամիջոցները
Իրանական IRNA լրատվական գործակալության փոխանցմամբ՝ Մեծ Բրիտանիան երեկ չեղյալ է հայտարարել Իրանի մեկ քաղաքացու ու իրանական հինգ ընկերության ու կազմակերպության դեմ պատժամիջոցները:
Գործակալության տվյալներով՝ պատժամիջոցների ցանկից դուրս են բերվել Իրանական ազգային տանկերային ընկերությունը, «Մոալլեմ» ապահովագրական ընկերությունը, «Սինա» բանկը և «Սորինետ» կոմերցիոն բանկը:
Բացի այդ, պատժամիջոցների վերացումն առնչվել է նաև Թեհրանում գտնվող գիտական հայտնի կենտրոն «Շարիֆ» տեխնոլոգիական համալսարանին: Ինչ վերաբերում է Իրանի քաղաքացուն, ապա նրա անունը չի հրապարակվում:
