Հեռագրերը դիրքերը չեն զիջում
Չնայած վերջին տարիներին հեռահաղորդակցության միջոցների զարգացմանը և ինտերնետի հասանելիության մեծացմանը՝ ՀՀ քաղաքացիները չեն հրաժարվում կապի ավանդական միջոցներից մեկից՝ հեռագրից։ Ավելին՝ վերջին 5 տարիների կտրվածքով ուղարկված հեռագրերի թիվը չի նվազել։ Այսպես, Ազգային վիճակագրական ծառայության տվյալներով՝ 2013 թվականին ՀՀ քաղաքացիների կողմից ուղարկվել է 34 հազար հեռագիր։ Այնքան, որքան 2009 թվականին։ 34 հազար հեռագրերից 21.5 հազարը ներհանրապետական են, 12.5 հազարը՝ միջազգային։ Ընդ որում, միջազգային բոլոր հեռագրերը ուղարկվել են ԱՊՀ երկրներ։
