ՀՖՖ Արտոնագրման բաժինը հայտարարում է մարզչական Ա արտոնագրի թարմացման գործընթացի սկիզբը
Այն անձինք, որոնց արտոնագիրը ուժի մեջ է մինչև 2014թ., ցանկության դեպքում կարող են դիմել ՀՖՖ արտոնագրման բաժին՝ արտոնագրի գործողության ժամկետը երկարացնելու նպատակով:
ՀՖՖ Մարզչական կրթության կանոնակարգի 43-րդ հոդվածով նախատեսված են հետևեյալ գործընթացները:
1 Դասընթացին դիմելու ընթացակարգը
ա. ՀՖՖ մարզչական Ա արտոնագրի թարմացման դասընթացին մասնակցելու համար դիմորդը Արտոնագրման բաժին է ներկայացնում՝
– թարմացման ենթակա արտոնագրի բնօրինակը
– անձնագիրը
– 3×4 չափի մեկ լուսանկար
բ. Մարզիչն ազատվում է թարմացման քննություններից և նրա արտոնագրի վավերականությունը մեխանիկորեն երկարացվում է հետևյալ դեպքերից որևէ մեկի առկայության պարագայում.
– նա ՀՀ ազգային հավաքականներից մեկի մարզչական շտաբի անդամ է
– ներկայացնում է աշխատանքային պայմանագրի պատճենը, բնութագիր և տեղեկանք ակումբից, որը կհավաստի դիմորդի` այդ ակումբի 15 և ավելի տարիքային խմբերի թիմերից մեկում առնվազն 1 տարվա մարզչական աշխատանքի փորձը թարմացման կուրսին դիմելու ժամանակ:
– ներկայացնում է UEFA Study Group սեմինարին մասնակցության հավաստագիր կամ ՀՖՖ, ՈՒԵՖԱ-ի և ՖԻՖԱ-ի կողմից «մարզչական կրթություն» թեմայով անցկացվող այլ միջոցառումներին մասնակցության հավաստագիր
գ. ՀՖՖ մարզչական Ա արտոնագրի վավերականության երկարացման դասընթացը մյուս դիմորդների համար ունի հետևյալ ընթացակարգը
– Բանավոր քննություն
– Գործնական պարապմունք (թեման որոշում է հրահանգիչը):
2.Քննությունների գնահատման կարգը
Ընդհանուր միավորների քանակը 60 միավոր է՝ յուրաքանչյուր քննության համար 30-ական միավոր: Նվազագույնը 45 միավոր հավաքած մարզչի արտոնագիրը թարմացվում է:
3. Դասընթացի մասնակցության վճարը
Մարզչական Ա արտոնագրի թարմացման վարձը 10.000 ՀՀ դրամ է, որի վճարման անդորրագիրը մարզիչը ներկայացնում է դիմում-հայտը լրացնելիս:
4.Արտոնագիր ստանալու կարգը
Արտոնագրի թարմացման դասընթացի հաջող քննաշրջան անցած մարզիչները ստանում են իրենց արտոնագրերը ՀՖՖ Արտոնագրման Բաժնի կողմից կազմակերպված հանդիսավոր արարողության ժամանակ, անցկացման ժամկետների մասին այդ բաժինը տեղեկացնում է արարողությունից առնվազն 3 օր առաջ:
5. Կրկնակի մասնակցությունը դասընթացին
Այն մարզիչները, ովքեր քննությունների արդյունքում չեն հավաքում բավարար քանակի միավորներ, զրկվում են մարզչական Ա արտոնագրերից: Հետագայում արտոնագրվելու համար նրանք պարտավոր են մասնակցել ՀՖՖ կողմից կազմակերպվող մարզչական Ա արտոնագրի հիմնական դասընթացին ողջ ծավալով և ըստ սահմանված ընթացակարգի:
Դիմումների ներկայացման վերջնաժամկետը ս.թ. նոյեմբերի 10-ն է: Դիմում չներկայացրած մարզիչների արտոնագիրը 2014թ. դեկտեմբերի 20-ից սկսած կհամարվի ուժը կորցրած, ինչի դեպքում նոր արտոնագիր ստանալու համար մարզիչը պարտավոր է կրկին մասնակցել ՀՖՖ մարզչական Ա արտոնագրի դասընթացին:
|
