Մոտ ապագայում կդյուրացվի Ռուսաստանի ու Իրանի միջև վիզային ռեժիմը
Ռուսական Интерфакс լրատվական գործակալության փոխանցմամբ՝ ակնկալվում է, որ մոտ ապագայում կդյուրացվի Ռուսաստանի ու Իրանի միջև վիզային ռեժիմը: Այս մասին իր բլոգում գրել է Մոսկվայում Իրանի դեսպան Մեհդի Սանաին:
Նրա խոսքերով՝ շուտով երկու երկրների արտաքին գործերի նախարարությունների միջև կստորագրվի վիզային ռեժիմի դյուրացման մասին արձանագրություն: Նա ընդգծել է, որ տվյալ հարցը քննարկվել է Աստրախանում Կասպյան գագաթաժողովի շրջանակներում տեղի ունեցած Ռուսաստանի ու Իրանի նախագահների հանդիպման ժամանակ:
