Ռուսաստանը Բելառուսին հատկացնում է 10 միլիարդ դոլարի վարկ
Ռուսական РИА Новости լրատվական գործակալության փոխանցմամբ՝ Ռուսաստանի կառավարությունը հանձնարարել է Բելառուսին հատկացնել մինչև 10 միլիարդ դոլարի վարկ: Դրամական այդ միջոցները կուղղվեն ատոմակայանի կառուցմանը:
Ռուսաստանի ու Բելառուսի կառավարությունները համապատասխան համաձայնագիրը ստորագրել են 2011 թվականի նոյեմբերին: Ատոմակայանն ունենալու է երկու էներգաբլոկ, որոնց ընդհանուր հզորությունը կազմելու է 2400 մեգավատտ:
Ատոմակայանի առաջին էներգաբլոկի շահագործման հանձնումը պլանավորված է 2016 թվականին: Ատոմակայանը կառուցելու է ռուսական «Ատոմստռոյէքսպորտ» ընկերությունը:
