Էդվարդ Նալբանդյանը հանդիպել է ԱՄՆ պետքարտուղարի փոխտեղակալ Վիկտորիա Նուլանդի հետ
Նախօրեին ՀՀ ԱԳ նախարար Էդվարդ Նալբանդյանը Նյու Յորքում հանդիպում է ունեցել ԱՄՆ պետքարտուղարի փոխտեղակալ Վիկտորիա Նուլանդի հետ։ ԱԳՆ մամուլի ծառայությունից հայտնում են, որ քննարկվել է երկկողմ հարաբերությունների տարբեր բնագավառներին վերաբերող հարցերի լայն շրջանակ։ Անդրադարձ է կատարվել հայ-ամերիկյան տնտեսական փոխգործակցության զարգացման հեռանկարներին։ Այս առումով կարեւորվել են երկու երկրների միջեւ իրավապայմանագրային դաշտի ընդլայնման ուղղությամբ իրականացվող աշխատանքները։
Հանդիպման ընթացքում ՀՀ ԱԳ նախարարը եւ պետքարտուղարի փոխտեղակալը մտքեր են փոխանակել` Լեռնային Ղարաբաղի հիմնախնդրի խաղաղ կարգավորման գործընթացի վերաբերյալ։ Զրուցակիցներն անդրադարձել են միջազգային, տարածաշրջանային հրատապ հարցերին։
