Ոստիկաններին տեսնելուն պես` գողը փորձել է դիմել փախուստի
Ոստիկանության «Զվարթնոց» օդանավակայանի գծային բաժնի ծառայողներն օրերս օդանավակայանի անվճար ավտոկայանատեղիում նկատել են մի երիտասարդի, որը «ՎԱԶ-2107» մակնիշի ավտոմեքենայի սրահից հանում էր տեսահաշվառող սարքը:
Ոստիկաններին տեսնելուն պես երիտասարդը փորձել է դիմել փախուստի, սակայն բռնվել և գողություն կատարելու կասկածանքով բերման է ենթարկվել գծային բաժին:
Պարզվել է, որ նա` 1993 թ. ծնված Օնիկ Հ.-ն, մեքենայից գողություն է կատարել:
«ՎԱԶ-2107»-ի վարորդը հրավիրվել է գծային բաժին և հաղորդում տվել, որ իրեն պատճառվել է 20.000 դրամի նյութական վնաս:
Նախապատրաստված նյութերն ուղարկվել են օդանավակայանի քննչական բաժանմունք:
ՀՀ Ոստիկանություն
