Գագիկ Ծառուկյան. Ես գիշերը հանգիստ եմ քնում (տեսանյութ)
Կուսակցության և ԲՀԿ նախագահի գործունեությանը հետևում են ինչպես Հայաստանում, այնպես էլ արտերկրում բնակվող երիտասարդները: Սիրիայից Հայաստան տեղափոխված Ստեփան Մաշիկյանը, դեռ Հալեպից հետևելով ԲՀԿ գործունեությանը, որոշել է անդամագրվել հենց «Բարգավաճ Հայաստան» կուսակցությանը:
Նորագիր կուսակցականների համար հենց ԲՀԿ նախագահի կերպարն է եղել ոգևորողը: «Մեր խոսքը գործ է» կարգախոսի ականատեսն են եղել մշտապես: Իսկ կուսակցության ղեկավարի ներկայությամբ տրված երդումը առավել քան պարտավորեցնող է:
«Մեր երկրի ապագան ազնիվ, աշխատասեր, կրթված ու հայրենասեր երիտասարդն է»,-շնորհավորելով կուսակցության շարքերը համալրող երիտասարդներին՝ նշեց ԲՀԿ նախագահ Գագիկ Ծառուկյանը:
ԲՀԿ նախագահն իր խոսքում, մասնավորապես, ընդգծեց, որ չկան նոր ու հին կուսակիցներ, կա մարդ՝ իր աշխատանքով ու գործունեությամբ: Գագիկ Ծառուկյանը պատրաստակամություն հայտնեց սատար լինել ցանկացած ազնիվ նախաձեռնության:
«Պետք է հավատալ սեփական ուժերին ու լինել լավատես: Հաջողության կարելի է հասնել միայն ազգի միասնության ու համախմբվածության շնորհիվ»,-շնորհավորելով կուսակցության նորագիրներին՝ հավելեց Գագիկ Ծառուկյանը:
ԲՀԿ գրասենյակ
