Գեղարքունիքի մարզում գայլերի ոհմակը ներխուժել է անասնագոմ և հոշոտել 20 գլուխ ոչխար
Գեղարքունիքի մարզի Մադինա գյուղում սեպտեմբերի 22-ի լույս 23-ի գիշերը գայլերի ոհմակը ներխուժել է նույն գյուղի բնակիչ Նորիկ Թաթոյանի անասնագոմ և հոշոտել 20 գլուխ ոչխար:
«Արմենպրես»-ին Մադինայի գյուղապետ Վրեժ Սարգսյանն ասել է, որ գայլերի ոհմակը անասնագոմից դուրս է բերել ոչխարները և 29 գլուխ ոչխարներից հոշոտել 20-ը, որոնց լուսաբացին մարդիկ գտել են անկենդան վիճակում: Մնացած ինը գլուխ ոչխարները գտնվել են միանգամայն առողջ ու անվնաս վիճակում:
Նորիկ Թաթոյանին հասցված վնասների չափերը ճշտվում են:
