Չափավոր հիպերտոնիայի դեպքում ճնշումը կարգավորող հաբերը կարող են վնասել
Չափավոր հիպերտոնիայով տառապող անձինք հաբեր ընդունելու անհրաժեշտություն չունեն, նրանք պարզապես պետք է փոխեն կենսակերպը, եւ դա պետք է հաշվի առնեն բոլոր բժիշկները, ովքեր շտապում են հաբեր նշանակել: Այս մասին գրում է Free Press Journal-ը՝ վկայակոչելով մասնագետների ուսումնասիրությունների արդյունքները:
Ընդ որում, պրեպարատները մեծացնում են երկրորդային ազդեցությունների ռիսկը: Ողջ աշխարհում չափահաս մարդկանց մինչեւ 40%-ն ունի հիպերտոնիա, եւ դրանցից կեսի մոտ դրա չափավոր ձեւն է: Հիպերտոնիայի զարգացման ցածր ռիսկի առկայությունը նշանակում է, որ հիվանդի մոտ սրտանոթային, երիկամային հիվանդություններ եւ դիաբետ չեն ախտորոշվել: Այս դեպքում մասնագետները խորհուրդ են տալիս պարբերաբար ճնշումը չափել տանը, փոխել կենսակերպը՝ զբաղվել սպորտով եւ ճիշտ սնվել:
