«Մանկական եվրատեսիլ- 2014»-ում Հայաստանը կներկայացնի Էլիզաբեթ Դանիելյանը
«Մանկական եվրատեսիլ- 2014» երգի մրցույթում Հայաստանը կներկայացնի Էլիզաբեթ Դանիելյանը՝ իր «People of the sun» երգով: Մասնակցի անունը հայտնի դարձավ Հանրային ալիքի ուղիղ եթերում կայացած «Մանկական եվրատեսիլ-2014» երգի մրցույթի հայաստանյան ընտրական փուլի արդյունքում:
Հաղթողն ընտրվեց հեռուստադիտողների եւ պրոֆեսիոնալ ժյուրիի քվեարկության արդյունքում` 50/50 հարաբերակցությամբ: SMS քվեարկության և զանգերի ամբողջ հասույթը կտրամադրվի «Նվիրիր կյանք» բարեգործական հիմնադրամին:
«Մանկական եվրատեսիլ- 2014» երգի միջազգային հեղինակավոր մրցույթն այս տարի կանցկացվի նոյեմբերի 15-ին՝ Մալթայում:
