Բակո Սահակյան. պետությունը հատուկ ուշադրություն է դարձնում գյուղական բնակավայրերի համաչափ զարգացումը
Արցախի Հանրապետության nախագահ Բակո Սահակյանը սեպտեմբերի 14-ին այցելել է Մարտունու շրջանի Բերդաշեն ու Եմիշճան գյուղեր եւ հանդիպում ունեցել համայնքների ներկայացուցիչների հետ:
Արցախի նախագահի աշխատակազմի տեղեկատվության գլխավոր վարչությունից հայտնում են, թե երկրի ղեկավարը գյուղական բնակավայրերի համաչափ զարգացումը կարեւոր է համարել սոցիալ-տնտեսական եւ ժողովրդագրական տեսանկյուններից՝ հավելելով, որ պետությունը հատուկ ուշադրություն է դարձնում այդ գործընթացին:
Նախագահ Սահակյանը նշել է, որ գյուղերում առկա հիմնախնդիրների լուծման ամենաարդյունավետ տարբերակներից է տեղում նախաձեռնողականության խթանումը եւ սեփական ռեսուրսների նպատակային օգտագործումը:
