Հրդեհ` Գյումրի քաղաքում. մեքենաներ են այրվել
Սեպտեմբերի 14-ին, ժամը 04.54-ին տեղեկություն է ստացվել, որ Շիրակի մարզի Գյումրի քաղաքի 8-րդ զինվորական թաղամասի թիվ 11 շենքի մոտակայքում այրվում է ավտոմեքենա:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 05.18-ին, մարվել` 05.55-ին: Ամբողջությամբ այրվել է «Վոլկսվագեն Ջետտա» մակնիշի 34 ST 130 պետհամարանիշով ավտոմեքենան և «Վոլկսվագեն Պասատ» մակնիշի 15 SO 323 պետհամարանիշով ավտոմեքենայի աջակողմյան հատվածը:
Արտակարգ իրավիճակների նախարարություն
