Գալուստ Սահակյան. Հիմա պիտի ընտրեմ, տեսնեմ՝ ընդդիմությունից ով կա, բայց ընդդիմությունի՞ց ա ինքը…
Այսօր ԱԺ նիստի ամբողջ ընթացքում խորհրդարանի նախագահ Գալուստ Սահակյանն ընդգծված հատուկ վերաբերմունք էր ցուցաբերում ՀՅԴ պատգամավոր Արծվիկ Մինասյանի նկատմամբ: Եվ ահա «կսմիթների» «գագաթնակետը» դրսևորվեց ելույթների ժամին: Գ.Սահակյանը հայտարարեց, որ պատգամավորները իրավունք ունեն մինչև 3 րոպե տևողությամբ հանդես գալ հայտարարություններով և սկզբում հայտարարության իրավունքը ընդդիմադիր պատգամավորներինն է:
«Հերթագվել են 20 պատգամավոր, հիմա պիտի ընտրեմ, տեսնեմ՝ ընդդիմությունից ով կա: Բայց ընդդիմությունից ա ի՞նքը… Արծվիկ Մինասյան»,- հայտարարեց Գ.Սահակյանն ու ամբիոնի մոտ հրավիրեց ՀՅԴ պատգամավորին:
