Աղվերանում կանցկացվի միջազգային սեյսմոլոգիական դպրոց

Սեպտեմբերի 8-11-ը Հայաստանում կանցկացվի Սեյսմոլոգիական 9-րդ միջազգային դպրոցը: Հիմնական թեման է «Սեյսմոլոգիական տվյալների մշակման և մեկնաբանման ժամանակակից մեթոդները»:

Կազմակերպիչներն են ՀՀ ԱԻՆ ՍՊԾ գործակալությունը, ՌԴ գիտությունների ակադեմիայի երկրաֆիզիկական ծառայությունը և ԱՄՆ Միչիգանի պետական համալսարանը:

Միջազգային դպրոցը կանցկացվի ՀՀ Կոտայքի մարզում գտնվող «Բեսթ Վեսթեռն Աղվերան» հանգստյան տանը:

Մասնակցում է 10 երկրից (ՀՀ, ԱՄՆ, Անգլիա, Ռուսաստան, Ղազախստան, Ղրղզստան, Տաջիկստան, Ուզբեկստան, Բելառուս, Վրաստան) ժամանած շուրջ 120 գիտնական:

Սիրելի լրագրողներ, Միջազգային սեյսմոլոգիական դպրոցի բացման հանդիսավոր արարողությունը լուսաբանելու համար ԱԻ նախարարությունը տրամադրում է միկրոավտոբուսներ, որոնք սեպտեմբերի 8-ին, ժամը 10-ին ԱԻՆ շենքի մոտից (հասցեն` Դավիթաշեն 4-րդ թաղամաս, Ա. Միկոյան 109/8) լրատվամիջոցների ներկայացուցիչներին կտեղափոխեն Աղվերան:

ՀՀ Արտակարգ իրավիճակների նախարարություն