Մալիշկա-Եղեղեգնաձոր ճանապարհին «ՎԱԶ 2106»-ը շրջվել է. կան տուժածներ
Սեպտեմբերի 7-ին, ժամը 18.02-ին ահազանգ է ստացվել, որ Եղեգնաձոր-Վայք ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հանգամանքներում Մ-2 միջպետական ավտոճանապարհի Մալիշկա-Եղեղեգնաձոր հատվածում (7-րդ կմ) «ՎԱԶ 2106» մակնիշի 18 ՕՕ 566 պ/հ ավտոմեքենան դուրս է եկել ճանապարհի երթևեկելի հատվածից և շրջվել: Մինչ հրշեջ-փրկարարների կանչի վայր հասնելը՝ ուղևոր Պ. Պ.-ը (ծնվ.1992թ.) տեղի ուժերով դուրս է բերվել և տեղափոխվել Եղեգնաձորի ԲԿ:
Հրշեջ-փրկարարները հոսանքազրկել են ավտոմեքենան, դադարեցրել գազի արտահոսքը և ավտոմեքենայից դուրս բերել վարորդ Հ. Հ.-ին (ծնվ. 1977թ.), ով տեղափոխվել է Եղեգնաձորի ԲԿ: Բժիշկները տուժածների առողջական վիճակը գնահատել են կայուն ծանր:
Արտակարգ իրավիճակների նախարարություն
