Ընդլայնվում է պարտադիր դրոշմապիտակավորման ենթակա ապրանքների ցանկը. pastinfo.am
pastinfo.am-ի փոխանցմամբ՝ սեպտեմբերի 11-ից ուժի մեջ կմտնեն «Առևտրի և ծառայությունների մասին» օրենքում Ազգային ժողովի կողմից մայիսի 19-ին կատարված փոփոխություններն ու լրացումները, ըստ որոնց, մասնավորապես, ընդլայնվում է պարտադիր դրոշմապիտակավորման ենթակա ապրանքների ցանկը:
Ըստ այդմ, ՀՀ տարածքում արտադրված կամ ՀՀ տարածք ներմուծված՝ շշալցված, փաթեթավորված կամ ցանկացած այլ ձևով տարայավորված` կաթնեղենի, սուրճի, թեյի, ձեթի, քացախի, պատրաստի կամ պահածոյացված մսեղենի և ձկնեղենի, բանջարեղենից և մրգերից պատրաստված կամ պահածոյացված արտադրանքի, ինչպես նաև կոսմետիկայի, օճառի վրա օտարման ցանկացած փուլում դրոշմապիտակի առկայությունը պարտադիր է:
Ավելի վաղ պարտադիր դրոշմապիտակավորման ենթակա ապրանքների ցանկում ընդգրկվել էին ջրեղենը, գարեջուրը, մինչև 9 % սպիրտայնությամբ խմիչքները, մրգահյութերը և բանջարեղենի հյութերը:
Դրոշմավորված ապրանքի վրա պետք է փակցված լինի չվնասված, ամբողջական և դրոշմավորման ենթակա ապրանքի տարողությանը՝ ծավալին, քաշին համապատասխանող դրոշմապիտակ:
Ամբողջությամբ` սկզբնաղբյուր կայքում:
