Սյունիքի մարզպետի հարցը չի քննարկվել. Շարմազանով
ՀՀԿ ինչպես գործադիր մարմնի, այնպես էլ խորհրդի նիստերի ընթացքում այսօր չի քննարկվել Սյունիքի մարզպետի հարցը: Այս մասին այսօր նիստից հետո լրագրողներին ասել է ՀՀԿ խոսնակ, ԱԺ փոխնախագահ Էդուարդ Շարմազանովը:
«Քննարկվել են արտաքին քաղաքականության վերաբերյալ կարևորագույն հարցեր, որոնք վերաբերել են հայ-թուրքական հարաբերություններին, Լեռնային Ղարաբաղի հակամարտության կարգավորմանը, նաեւ սահմանադրական բարեփոխումներին»,-ասել է Շարմազանովը՝ նշելով, որ նախագահի մասնակցությամբ նիստի ընթացքում անդրադարձ է եղել նաեւ քաղաքական մեծամասնության ծրագրերին, կառավարության եւ խորհրդարանի աշխատանքներին:
