Ֆիդել Կաստրոն ՆԱՏՕ-ի անդամներին համեմատել է նացիստների հետ
Cubadebate ինտերնետային պարբերականի փոխանցմամբ՝ կուբայական հեղափոխության առաջնորդ Ֆիդել Կաստրոն ՆԱՏՕ-ի երկրների ներկայացուցիչների գործողությունները համեմատել է նացիստների հետ: Իր կարծիքը Կաստրոն շարադրել է պարբերականում հրապարակած հոդվածում:
Կաստրոն վստահ է, որ ԱՄՆ-ի ու Եվրոպայի երկրների քաղաքականությունը մոտ ապագայում կվերածվի կրախի, իսկ դոլարն ու եվրոն կախված կլինեն ռուբլուց ու յուանից. «Ոչ ոք իրավունք չունի ոչնչացնել քաղաքներ, սպանել երեխաներ, սով և մահ սփռել ամենուրեք:
Երկրորդ համաշխարհային պատերազմից հետո ՄԱԿ-ի կազմավորումն այսօր ընկալվում է որպես վիթխարի խաբկանք: Շատերը զարմանում են, երբ լսում են ՆԱՏՕ-ի եվրոպացի մի շարք ներկայացուցիչների հայտարարությունները, որոնք իրենց մտքերն արատահայտում են նացիստական ՍՍ-ի ոճով ու ձևով»:
