Կաթսայատան երկաթյա դռան գողը հայտնաբերվել է

Ոստիկանության Սևանի բաժնի ծառայողները նոյեմբերի 28-ին, ժամը 17.50-ին, գողություն կատարելու կասկածանքով, տնից բերման են ենթարկել 1986 թ. ծնված Կարեն Ս.-ին:

Պարզվել է, որ նա նոյեմբերի 18-ին, ժամը 16.00-ի սահմաններում գողացել է գորգի ֆաբրիկայի տարածքում գտնվող կաթսայատան երկաթյա դուռը` պատճառելով 40.000 դրամի նյութական վնաս:

Գողոնն առգրավված է:

Նշանակվել է դատաապրանքագիտական փորձաքննություն:

Կատարվում է հետաքննություն:

ՀՀ Ոստիկանություն