Մանրամասներ` «Բելաջիո»-ի մոտ տեղի ունեցած վթարից
Ինչպես տեղեկացրել էինք` նոյեմբերի 28-ին, ժամը 14.30-ին ահազանգ է ստացվել, որ Երևանի Մյասնիկյան փողոցի «Բելաջիո» ռեստորանային համալիրի մոտակայքում տեղի է ունեցել ՃՏՊ:
Կա տուժած. անհրաժեշտ է օգնություն: Դեպքի վայր է մեկնել մեկ մարտական հաշվարկ:
Պարզվել է, որ «ԳԱԶ-24» մակնիշի 25 ՍԼ 943 պետհամարանիշով ավտոմեքենան դուրս է եկել ճանապարհի երթևեկելի հատվածից և բախվել էլեկտրասյանը, ինչից վարորդ Վ. Հ.-ն (ծնվ. 1959թ), ուղևորներ Է. Թ.-ն (ծնվ. 1959թ.) և Խ. Հ.-ն (ծնվ. 1998թ.) ստացել են տարբեր աստիճանի մարմնական վնասվածքներ: Մինչ հրշեջ-փրկարարների դեպքի վայր հասնելը տուժածները տեղի ուժերով դուրս են բերվել ավտոմեքենայից, որոնց շտապօգնության աշխատակիցները տեղում ցուցաբերել են համապատասխան բուժօգնություն:
