Մինչև որքան կարող է արժենալ եղևնին (լուսանկարներ)
luxlux.net-ը ներկայացնում է աշխարհի ամենաթանկարժեք եղեւնիների եռյակը:
Աշխարհի ամենաթանկարժեք եղեւնին 2010թ-ին տեղադրվել է Աբու Դաբիում` լյուքս դասի «Emirates Palace» հյուրանոցում: Այն արժեցել է 11 մլն դոլար: Պատճառը խաղալիքներն են եղել, որոնց պատրաստման համար օգտագործվել են թանկարժեք քարեր` ադամանդներ, զմրուխտ, մարգարիտներ, ինչպես նաեւ ոսկի: Բացի խաղալիքներից, եղևնին զարդարված է եղել նաեւ թանկարժեք զարդերով:
Երկորդ տեղում է 2007թ. ճապոնական Takashimaya առեւտրային ցանցի ներկայացրած եղեւնին` 1,8 մլն դոլար արժեքով: Նրա դիզայնին մասնակցել են ֆրանսիացի հայտնի ֆլորիստներ: Այն պատրաստվել է չորացված վարդերի թերթերից, որոնց վրա եղել են ադամանդներ` ընդհանուր առմամբ 400 հատ` 100 կարատ կշռով:
Սինգապուրյան Soo Kee ոսկերչական տան առաջարկած 1 մլն դոլար արժողությամբ տոնածառի համար օգտագործվել է 21 798 ադամանդ` 913 կարատ քաշով: Այն զարդարված է եղել նաեւ 3 762 բյուրեղապակե հուլունքներով: Ծառն ունեցել է 6 մ բարձրություն:
