Բրիտանացիներն էլ լավ չեն ապրում. նրանք պարտք են մոտ 1,4 տրիլիոն ֆունտ
Բրիտանիայի քաղաքացիների պարտքի մակարդակը մոտ է ռեկորդային նիշին: Նրանք բանկերին պարտք են մոտ 1,4 տրիլիոն ֆունտ ստեռլինգ, քանի որ երկրում կյանքը բավականին թանկ է, հաղորդում է Russia Today-ը: Պարզվում է, միլիոնավոր ընտանիքներ բնակարանները կորցնելու ռիսկի տակ են` ծայրը ծայրին հասցնելու համար:
Ըստ փորձագետների` երկրում յուրաքանչյուր ընտանիքի միջինը բաժին է ընկնում 54 հազար ֆունտ պարտք: Դա մոտ կրկնակի ավելի է տասը տարի առաջվա ցուցանիշից եւ գրեթե հավասարվում է երկրի ՀՆԱ-ին:
Այդ գումարը ներառում է հիփոթեքային վարկերը եւ ֆիանանսական այլ պարտավորություններ: Չնայած այս երկրում վարկերի ցածր տոկոսադրույքներին, քաղաքացիներն ավելի քիչ են մարում պարտքերը, քան, օրինակ, ԱՄՆ-ում:
