Իլհամ Ալիևի Կիև կատարած այցի ժամանակ զավեշտալի միջադեպ է գրանցվել (տեսանյութ)
Ադրբեջանի նախագահ Իլհամ Ալիեւի Կիեւ կատարած այցի ժամանակ Վիկտոր Յանուկովիչի պատվո պահակազորի պետն այնպիսի եռանդով է թափահարել սուրը, որ իր իսկ գլխից «թռցրել» է գլխարկը, գրում է Cursorinfo.co.il-ը:
Պաշտոնական արարողության ժամանակ նախագահներին է մոտեցել պատվո պահակազորի պետը, որի աջ ձեռքում, համաձայն արարողակարգի, եղել է սուրը, իսկ ձախում` պատյանը:
Ավարտելով արարողակարգային երթը, նա սրով պատահաբար դիպել է իր իսկ գլխարկին, սակայն ուկրաինացի սպայի գլխարկը գետին չի ընկել, նա կարողացել է վարպետորեն որսալ այն պատյանով եւ շարունակել է զեկուցումը:
Յանուկովիչը քմծիծաղ է տվել, իսկ Ալիեւը որեւէ կերպ չի արձագանքել միջադեպին:
