Աշխարհի ամենահարմարավետ հինգ քաղաքները (լուսանկարներ)
Luxlux.net –ը ներկայացնում է 2013թ. կյանքի համար ամենահարմարավետ հինգ քաղաքները: Վարկանիշային ցուցակը կազմվել է The Economist Intelligence Unit –ի կողմից: Թոփ հնգյակը կազմելիս` փորձագետները հաշվի են առել կյանքի որակը աշխարհի 140 խոշոր քաղաքներում: Լավագույն հնգյակում են կանադական միանգամից երեք քաղաք` Վանքուվերը, Տորոնտոն եւ Կալգարին: Ցուցակը գլխավորում է ավստրալական Մելբուռնը:
1.Մելբուռն` 97,5 միավոր`100 հնարավորից
Մելբուռնն արդեն երրորդ տարին է գլխավորում վարկանիշային ցուցակը: Առողջապահության, ենթակառուցվածքների եւ կրթության համար քաղաքն ստացել է 100 միրավոր, իսկ կայունության եւ մշակույթի չափանիշներով` 95:
2.Վիեննա` 97,4 միավոր
Այս տարի Վիեննան երկրորդ տեղում է: Քաղաքն այս ցուցակում առաջին տեղն էր զբաղեցրել 2005 թ-ին: Մեգապոլիսն աշխարհին հայտնի է նաեւ իր տաղանդավոր կոմպոզիտորներով` Շուբերտ, Շտրաուս, Բեթհովեն, Մոցարտ:
3.Վանքուվեր`97,3 միավոր
Այս քաղաքը ցուցակի առաջատարն է եղել 2002 –ին եւ 2010-ին: Այն միաժամանակ համարվում է Կանադայի ամենաթանկ քաղաքներից:
4.Տորոնտո` 97,2 միավոր
Տորոնտոյում են տեղակայված խոշորագույն երկու բանկերի`Canadian Imperial Bank of Commerce-ի եւ Toronto-Dominion Bank-ի կենտրոնակայանները: Այնպես որ, պայմանները մեգապոլիսում բավականին լավն են:
5. Կալգարի` 96,6 միավոր
Այս քաղաքի բնակչությունն ընդամենը 1,1 մլն է: 2005թ-ին Forbes –ի վարկածով այն համարվել է նաեւ մոլորակի ամենամաքուր քաղաքը:
