Բակո Սահակյանը հանդիպել է «Արցախի երիտֆորում-2013»-ի մասնակիցների հետ
ԼՂՀ նախագահ Բակո Սահակյանը նոյեմբերի 17-ին Մարտակերտի շրջանի Վանք գյուղում հանդիպել է «Արցախի երիտֆորում-2013»-ի մասնակիցների հետ, հայտնում են ԼՂՀ նախագահի աշխատակազմի տեղեկատվության գլխավոր վարչությունից:
Արծարծվել են Արցախի ներքին եւ արտաքին քաղաքականությանը, երիտասարդության շրջանում իրականացվող ծրագրերին առնչվող մի շարք հարցեր: Բակո Սահակյանի բնութագրմամբ` երիտասարդությանը հուզող հարցերը մշտապես գտնվում են իշխանությունների ուշադրության կենտրոնում, եւ պետությունը կշարունակի անել հնարավորը դրանք արդյունավետ կերպով լուծելու համար:
