Ստեփանավան-Վանաձոր ճանապարհին ավտոմեքենա է այրվել
Նոյեմբերի 9-ին ոստիկանության Ստեփանավանի բաժնում հաղորդում է ստացվել, որ ժամը 06.20-ին Ստեփանավան-Վանաձոր ճանապարհի 8-րդ կմ-ի հատվածում ամբողջությամբ այրվել է 1955 թ. ծնված Գրիշա Ս.-ին պատկանող «ԳԱԶ-2410» մակնիշի ավտոմեքենան:
Հրդեհը մարվել է նույն օրը, ժամը 07.30-ի սահմաններում` մարտական 1 հաշվարկի ուժերով:
Նոյեմբերի 12-ին, ժամը 16.35-ին, Լոռու մարզային հրդեհային և տեխնիկական անվտանգության տեսչությունից ստացվել է գրություն, որ հրդեհի առաջացման պատճառ է հանդիսացել ավտոմեքենայի անիվային հանգույցում արգելակման համակարգի խափանումը և վնասի չափը կազմում է 800.000 դրամ:
Նյութերով զբաղվում է ՀՀ ԱԻՆ Լոռու մարզային հրդեհային և տեխնիկական անվտանգության տեսչությունը:
