Փարիզի դրամատունն առաջարկում է հրաժարվել հինգ եվրոանոց թղթադրամներից
Փարիզի դրամատունը հանդես է եկել հինգ եվրոանոց թղթադրամները մետաղադրամով փոխարինելու առաջարկով, հաղորդում է RT-ն:
Դրամատան ղեկավար Քրիստոֆ Բոն հայտարարել է, որ թղթադրամների փոխարինումը թույլ կտա եվրագոտու բյուջեին շուրջ 10 մլրդ եվրո տնտեսել: Քանի որ, ի տարբերություն թղթադրամի, որը թողարկվելուց մոտ մեկ տարի անց կորցնում է իր ապրանքային տեսքը եւ նորը հատելու անհրաժետություւն է առաջանում, մետաղադրամը կարող է գործածվել միջինը քառասուն տարի:
Հինգ եվրոանոց մետաղադրամներ սակայն այսօր էլ հնարավոր է հանդիպել Եվրոպայում. ԵՄ 19 երկիր դրանք հատում են ոսկուց եւ արծաթից` սահմանափակ քանակությամբ եւ տարբեր հիշարժան տարեթվերի կապակցությամբ:
